کراچی (اسٹاف رپورٹر) انٹرنیشنل آن لائن ہاکی کوچنگ کورس آج سے شروع ہوگا۔ ایشین ہاکی فیڈریشن (اے ایس ایف)، پاکستان میں آن لائن کوچنگ کورسز ، امپائرز کلینک اور ٹیکنیکل آفیشل کورسز منعقد کرے گی۔ گذشتہ روز پاکستان ہاکی فیڈریشن کے صدر برگیڈیئر خالد سجاد کھوکھر نے بتایا کہ کوچنگ کورس 9 جولائی تک منعقد ہوگا۔ یہ کورسز ایف آئی ایچ کے نامزد بین الاقوامی ہاکی کوچوں کے ذریعہ ہوں گے۔ انہوں نے کہا کہ ہر کورس میں 15 سے 20 افراد شرکت کریں گے۔
