ٹھٹھہ (نمائندہ جسارت) ٹھٹھہ کے پیٹرول پمپس پر ایرانی تیل کی فروخت کی شکایتیں سچ ثابت ہونے لگیں، ٹھٹھہ پولیس نے ایرانی تیل اسمگل کرنے کی کوشش ناکام بنادی، تیس ہزار ایرانی ڈیزل برآمد ٹینکر تحویل میں لیا گیا ڈرائیور بھی حراست میں۔ ایس ایس پی ٹھٹھہ ڈاکٹر محمد عمران خان کی جانب سے غیر قانونی کاموں کیخلاف سخت کریک ڈاؤن کی ہدایت پر سب انسپکٹر سی آئی اے عبدالمومن شیخ نے دوران گشت خفیہ اطلاع پر بائی پاس روڈ ٹھٹھہ پر ایک آئل ٹینکر نمبر TUB_468 کو روکا جس میں دوران چیکنگ تیس ہزار لیٹر ایرانی تیل برآمد ہوا، پولیس نے ٹینکر ڈرائیور کو گرفتار کرکے ٹینکر کو تحویل میں لے لیا۔ واضح رہے کہ کل ٹھٹھہ میں دوہرے قتل ہونے والے میاں بیوی کے اور کینجھر جھیل کے نزدیک قتل ہونے والی خاتون کے قاتلوں کو بھی پولیس نے فوری گرفتار کرلیا تھا۔
