اسلام آباد (آن لائن) پیپلز پارٹی کے رکن قومی اسمبلی و سینئر رہنما قادر پٹیل نے کہا ہے کہ مراد سعید اور شہباز گل صرف نالائق وزیراعظم کا دل بہلانے کی اہلیت رکھتے ہیں، جس حکومت کا اوپنر بیٹسمین مراد سعید ہو تو سنجیدگی کا عالم کیا ہوگا، مراد سعید صرف ریحام خان کی زبان سمجھتے ہیں۔ ہفتے کے روز مراد سعید کی پریس کانفرنس پر رد عمل دیتے ہوئے قادر پٹیل نے مزید کہا کہ چیئرمین بلاول زرداری کب سے یہی کہہ رہے ہیں کہ عمران خان پورے ملک کے وزیر اعظم بنیں، حیرت کی بات ہے وزیراعظم کو این ایف سی ایوارڈ کی آئینی اہمیت کا ادراک نہیں۔
