دو روزہ آن لائن ریفری اینڈ ججز جوڈو کوچنگ کورس آج سے شروع ہو گا

کراچی(اسٹاف رپورٹر) پاکستان جوڈو فیڈریشن کے زیراہتمام 2 روزہ آن لائن ریفری اینڈ ججز جوڈو کو چنگ کورس آج سے شروع ہو گا۔ کورس کا افتتاح پاکستان جوڈو فیڈریشن کے صدر کرنل ریٹائرڈ جنید عالم کریں گے۔ پاکستان جوڈو فیڈریشن کے نائب صدر اور میڈیا ڈائریکٹر مسعود احمد نے بتایا کہ کورس کی تیاریاں زور و شور پر ہیں اور آن لائن کورس کا اہتمام ملک میں کورونا وائرس کی وبا کے باعث کیا گیا ہے۔ کورس میں ملک سے کھلاڑی، کوچز، ججز اور دیگر آفیشلز حصہ لے رہے ہیں۔