سکھر( نمائندہ جسارت) سکھر پولیس کا سماجی برائیوں اور جرائم پیشہ افراد کیخلاف کریک ڈاؤن جاری ہے ، پولیس کی مختلف کارروائیوں میں مزید 4 ملزمان گرفتارکر لیا گیا۔ ترجمان پولیس کے مطابق ائرپورٹ پولیس نے دوران ناکہ بندی علاقے میں کارروائی کرکے واردات کے ارادے سے کھڑے ملزم رحیم بخش کو گرفتار کرلیا ملزم کے قبضے سے ٹی ٹی پستول، میگزین اور گولیاں برآمد مقدمہ درج کر لیا، جبکہدوسری کارروائی کے دوران قتل کے مقدمے میں مطلوب مفرور ملزم لیاقت علی کو گرفتا کرلیا گیا۔ آباد پولیس نے خفیہ اطلاع پر علاقے میں کارروائی میں گٹکا فروش جندو شیخ کوگرفتار کر کے قبضے سے پان پراگ، گٹکا اورمین پوری برآمد کر کے مقدمہ درج کر لیا۔ روہڑی پولیس نے نیویارڈ کے علاقے میں کارروائی میںگٹکا فروش وسیم قریشی کو گرفتار کرلیا ۔
