۔3سابق وزرائے اعظم اور سابق صدر آج احتساب عدالت اسلام آباد طلب

اسلام آباد(صباح نیوز)احتساب عدالت اسلام آباد نے آج 3 سابق وزرائے اعظم یوسف رضا گیلانی، نواز شریف ، شاہد خاقان عباسی اور سابق صدر آصف علی زرداری کو طلب کر لیا ہے۔تفصیلات کے مطابق احتساب عدالت اسلام آباد میں توشہ خانہ کیس میں سابق وزیراعظم میاں محمد نواز شریف اور یوسف رضا گیلانی کو طلب کیا گیا ہے جبکہ اسی کیس میں سابق صدر اور پاکستان پیپلز پارٹی کے شریک چیئر مین آصف علی زرداری کو بھی بلایا گیا ہے۔دریں اثنا ءاحتساب عدالت اسلام آباد نے ایل این جی
کیس میں سابق وزیراعظم شاہد خاقان عباسی کو طلب کر رکھا ہے۔یاد رہے کہ پاکستان مسلم لیگ ن کے سینئر رہنما اور سابق وزیراعظم شاہد خاقان عباسی کورونا وائرس کا شکار ہو گئے ہیں جس کے بعد انہوں نے خودکو قرنطینہ کیا ہوا ہے۔