چین کی لازوال دوستی کا ہر پاکستانی دل سے معترف ہے،بلاول زرداری

اسلام آباد(آن لائن )پاکستان پیپلز پارٹی کے چیرمین بلاول زرداری اور پیپلز پارٹی نے کرونا وبا کی روک تھام کےلیے طبی آلات اور سازو سامان کی امداد پر چین کی حکومت اور چینی عوام کا تہہ دل سے شکریہ ادا کیا ہے ۔چیرمین پیپلزپارٹی بلاول کا کہناہے کہ پریس کانفرنس کے زریعے چین کی حکومت کا شکریہ ادا کرنا چاہتا تھا کورونا کے بڑھتے پھیلاو¿ کے پیش نظر پریس کاانفرنس ملتوی کی گئی۔ سیکرٹری جنرل سید نیر حسین بخاری نے چیرمین پی پی پی بلاول زرداری اور پارٹی کی طرف سے چینی حکومت اور چینی عوام کے نام پیغام جاری کیا ہے ۔ نیر بخاری کا کہناہے کہکورونا وبا سے نجات اور حالات درست ہونے پر چیئرمین پی پی پی اورقیادت چین جا کر حکومت اور چینی عوام کا دلی شکریہ ادا کریں گے۔ وبا کی شروعات میں ہءچینی حکومت کے عہدیداران نے طبی و حفاظتی سامان وزیراعلی سندھ کے سپرد کیا۔ چینی حکومت کے امدادی سامان وفاق چاروں صوبوں گلگت بلتستان آزاد کشمیر میں بھجوایا گیا۔پیپلز پارٹی اور قوم کو شہد سے میٹھی چینی دوستی پر فخر ہے ۔پاکستانیوں کے دل چینی بھائیوں کے دلوں کے ساتھ دھڑکتے ہیں۔ شاہراہ ریشم سے لیکر پاک چین اقتصادی رائداری دوستی کے مینار ہیں۔