سکھر (نمائندہ جسارت) امیر جماعت اسلامی ضلع سکھر مولانا حزب اللہ جکھرو نے باگڑجی میں برادر راشد حسین جونیجو سے ان کے بہنوئی کی وفات پر گھر جاکر تعزیت و افسوس کا اظہار کیا۔ علاوہ ازیں انہوں نے جماعت اسلامی باگڑجی کے قیم میر ہزار خان لاشاری سے ان کے نوجوان بھتیجے کی وفات پر بھی تعزیت کی۔ اس موقع پر انہوں نے دعا کی کہ اللہ پاک مرحومین کی مغفرت اور لواحقین کو صبر جمیل عطا فرمائے۔ مزید براں مولانا حزب اللہ جکھرو نے جماعت اسلامی کے دیرینہ رکن عبدالکریم جونیجو کی عیادت کی اور ان کی صحتیابی کے لیے دعا مانگی۔
