لاڑکانہ (نمائندہ جسارت) تھانہ رحمت پور کی حد لوہی پل رائس کینال کے علاقے سے گھر کے باہر کھیلنے کے دوران ڈھائی سالہ بچی دعا ولد الطاف حسین عمرانی پراسرار طور پر لاپتا ہوگئی، جس کے باعث ورثا شدید پریشانی میں مبتلا ہوگئے۔ اس حوالے سے گمشدہ بچی کے والد الطاف حسین نے بتایا کہ گزشتہ ہفتے کے روز میری بیٹی دعا گھر کے باہر کھیلنے گئی جہاں سے وہ لاپتا ہوئی جس کے بعد اسے مختلف علاقوں میں تلاش کرنے سمیت پولیس کو اطلاع دی تاہم اس وقت تک اس کا کچھ بھی پتا نہیں چل سکا جس کے باعث تمام گھر والے سخت پریشان ہیں۔ انہوں نے ڈی آئی جی اور ایس ایس پی لاڑکانہ سے اپیل کی کہ بیٹی کو تلاش کرنے میں مدد کی جائے۔
