ٹھٹھہ (نمائندہ جسارت) ایس ایچ او تھانہ ٹھٹھہ انسپکٹر سعید احمد چنا اور انچارج پولیس پوسٹ ٹھٹھہ سب انسپکٹر امام بخش چنا مع اسٹاف نے دوران اسنیپ چیکنگ بس ٹرمینل ٹھٹھہ کے قریب کامیاب کارروائی کرکے ٹرک پر گٹکا مٹیریل سپلائی کرنے کی کوشش کو ناکام بنا دیا، 2 گٹکا مٹیریل سپلائر ملزمان شفیق اور نوید رہائشی مردان صوبہ پنجاب کو گرفتار کرلیا۔ تلاشی کے دوران ملزمان کے ٹرک سے گٹکے میں استعمال ہونے والے 203 کٹے تمباکو پتی (5235 کلو) برآمد کرکے ملزمان کیخلاف تھانہ ٹھٹھہ پر مقدمہ درج کرکے ٹرک کو تحویل میں لے لیا گیا، مزید تفتیش جاری ہے۔
