لاہور: وزیر ریلوے شیخ رشید کا کہنا ہے کہ وزیر، مشیر جو بھی ہو گا سب رگڑے جائیں گے۔
وزیر ریلوے شیخ رشید نے لاہور میں میڈیا سے گفتگو کرتے ہوئے کہا کہ 6 ہزار ارب کی کرپشن کے معاملے پر فقیر ہو یا پیر سارے رگڑے جائیں گے، آئی پی پیز اور دیگر رپورٹ منظر عام پر لانے کا کریڈٹ عمران خان کو دیں، وزیر، مشیر جو بھی ہو گا سب رگڑے جائیں گے۔
شیخ رشید نے کہا کہ اپوزیشن لیڈر شہباز شریف جو سوچ کے آئے تھے اس کا سیاسی جنازہ نکل گیا، شہباز شریف کی اپنی بھتیجی کے ساتھ نہیں بنتی ، بھتیجی کہتی ہیں کہ پارٹی صدر شاہد خاقان عباسی کو بنا دیں، شہباز شریف کے راستے محدود نظر آ رہے ہیں، شہباز شریف کا کیس سنجیدہ ہے،ان کا بچنا مشکل ہے۔
وزیر ریلوے نے مزید کہا کہ سابق صدر آصف زرداری سمجھتے ہیں کہ 2،3 ماہ سیاست کیلیے نہیں ہیں، یقین جانیں آصف زرداری کے 40 فیصد معاملات ٹھیک ہو گئے ہیں اور آصف زرداری گھونسلے میں چلے گئے ہیں۔
