نوابشاہ( رپورٹ کاشف رضا )نوابشاہ تعلقہ تھا نے کی حدود میں گوٹھ خدا بخش چانڈیو کے ایک رہائشیکی کورونا وائرس کی رپورٹ مثبت آنے پر پورا گائوں سیل کر دیا گیا ہے جبکہ ڈپٹی کمشنر شہید بے نظیر آباد ابرار احمد جعفر نے بھاری پولیس نفری کی تعیناتی کے احکامات جاری کیے ہیں۔گائوں کے رہائشیوں کا کہنا ہے کہ متاثرہ شخص پانچ روز قبل تبلیغی جماعت میں گیا تھا جہاں سے واپس آنے کے بعد اسکا کورونا وائرس کا ٹیسٹ کروایا گیا جو مثبت آیا ہے جسکے بعد پورا گائوں سیل کر دیا گیا اور پولیس کی بھاری نفری تعینات کر دی گئی ہے۔ اسکے ساتھ ساتھ تمام گھر والوں کے بھی ٹیسٹ کیے جا رہے ہیں۔
