لاڑکانہ(نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کے خلاف کارروائیاں کرتے ہوئے روپوش و مطلوب 8 ملزمان کو گرفتار کرکے اسلحہ برآمد کرلیا ہے۔ سچل پولیس نے قتل مقدمے میں مطلوب ملزم مختار نوحانی سے پستول اور گولیوں سمیت، ولید پولیس نے روپوش ملزم سکندر کنبھر کو، ائررپورٹ پولیس نے لاک ڈائون کی خلاف ورزی کرنے پر پانچ ملزمان ظہیر، طالب، غفار سدہیر اور امیر بخش کو گرفتار کرکے 188 تحت مقدمہ درج کرلیا ہے۔ باقرانی پولیس نے لاک ڈائون کی خلاف ورزی کرنے پر ملزم زوہیب چانڈیو کو گرفتار کرکے 188 تحت مقدمہ درج کرلیا ہے۔
