سکھر (نمائندہ جسارت) کورونا وائرس سے بچاؤ کے لیے لاک ڈاؤن پر عملدر آمد کے لیے پولیس کی کارروائیاں جاری ہیں، ترجمان پولیس کے مطابق 43 افراد کو گرفتار کرکے مقدمات درج کیے گئے ہیں، ضلع کے مختلف علاقوں میں دفعہ 144 کی خلاف ورزی کرنے والوں کیخلاف پولیس کارروائیاں جاری ہیں۔ تھانہ اے سیکشن، راؤ شفیع اللہ پنو عاقل، بائجی، نیو پنڈ، پٹنی آباد سی سیکشن، روہڑی سمیت دیگر کی کارروائیاں، زیر دفعہ 188 کے تحت 10 مقدمات درج، 43 گرفتار کیے گئے، قانون کی خلاف ورزی پر مختلف مقدمات میں 43 افراد نامزد جبکہ 37 نامعلوم افراد شامل ہیں۔ ایس ایس پی سکھر عرفان علی سموں نے تمام علاقہ ایس ایچ اوز کو ہدایات دی ہیں کہ دفعہ 144 کی خلاف ورزی کرنے والوں کیخلاف بھرپور کارروائیاں کی جائیں۔
