ٹھٹھہ (نمائندہ جسارت) بریگیڈیئر محمد تقی راجا کا سول اسپتال مکلی میں قائم آئیسولیشن سینٹر کا دورہ کیا اور محکمہ صحت کے افسران سے ملاقات کرکے کورونا وائرس کی صورتحال کا جائزہ لیا۔ بریگیڈیئر محمد تقی راجا نے ٹھٹھہ کے ڈپٹی کمشنر عثمان تنویر ڈی ایچ او حنیف میمن سے خصوصی ملاقات کرکے تفصیلات معلوم کی۔ انہوں نے ایس ایس پی ٹھٹھہ عمران خان سے بھی ملاقات کرکے لاک ڈائون کو کامیاب اور لوگوں کو گھروں تک محدود رکھنے کی ضروری ہدایات کی۔ بریگیڈیئر محمد تقی نے پیپلز ایمبولینس 1036 کے دفتر کا بھی دورہ کیا اور تمام فوجی اور پولیس عملداروں سمیت آئیسولیشن سینٹر میں مقرر میڈیکل اسٹاف سے ملاقاتیں کرکے ان کی ہمت افزائی کی۔
