کراچی (اسٹاف رپورٹر)پاکستان سپرلیگ(ی ایس ایل) کی فرنچائز پشاور زلمی کی جانب سے کورونا وائرس کے خلاف احتیاطی تدابیر کے حوالے سے آگاہی مہم جاری ہے۔ پشاور زلمی چیئرمین جاوید آفرہدی، ہیڈکوچ ڈیرن سیمی، کپتان وہاب ریاض ، حسن علی اور امام الحق کے کورونا وائرس کے حوالے سے خصوصی پیغامات جاری کئے ہیں۔ میڈیا اور برانڈ ویلیو کے لحاظ سے پی ایس ایل کی نمبرون فرنچائز پشاور زلمی کی جانب سے کورونا وائرس کے حوالے سے احتیاطی تدابیر کے لیے خصوصی مہم میں جاوید آفریدی نے پشتو میں پیغام ریکارڈ کرایا اور لوگوں کو گھروں میں رہنے، بار بار ہاتھ دھونے کی درخواست کی ہے۔ پشاور زلمی کے تمام ڈیجیٹل پلیٹ فارمز سے زلمی اسٹار کرکٹرز کے خصوصی ویڈیو پیغامات اپ لوڈ کیے گئے ہیں ۔
