لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کیخلاف کارروائیاں کرتے ہوئے اشتہاری، روپوش و مطلوب 20 ملزمان کو گرفتار کرکے اسلحہ اور نقدی برآمد کرلی۔ یونیورسٹی پولیس نے دوران چیکنگ سرگرم ملزم مراد جتوئی کو بندوق اور کارتوسوں سمیت، ویہڑ پولیس نے سنگین نوعیت کے مقدمے میں اشتہاری ملزم عطا اللہ بروہی، بقاپور پولیس نے روپوش ملزم اللہ ڈنو کلہوڑو، رتو ڈیرو پولیس نے دوران چیکنگ ملزم ارشاد چنا کو شراب کی 8 بوتلوں سمیت، مارکیٹ پولیس کا جوا کے اڈے پر چھاپا، دس جواریوں وقاص، کاشف، علی، نوید، وقار، شکیل، معظم، زوہیب، پرویز اور وسیم کو نقدی اور اسنوکر بال سمیت، ولید پولیس نے شیخ زید کالونی میں جوا کے اڈے پر چھاپا مار کر پانچ جواریوں آصف بھٹو، الطاف، جبار، ماجد اور عاشق کو نقدی سمیت گرفتار کرلیا۔ دوسری جانب تعلقہ پولیس نے لائوڈ اسپیکر ایکٹ کے تحت ملزم واجد مغیری کو گرفتار کرلیا۔ پولیس کے مطابق گرفتار تمام ملزمان کیخلاف ایسے مقدمات درج کرکے تفتیش شروع کردی گئی ہے۔
