سکھر( نمائندہ جسارت)سکھر میںگیس سلنڈر کی دکان میں آتشزدگی، پانچ افراد زخمی ہو گئے۔ پولیس زرائع کے مطابق شکارپور پھاٹک پر سلنڈر میں گیس لیک ہونے پر آگ لگ گئی، دکان میں کام کرنے والے عبدالستار مہر، ضمیر مہر اور عبدالرزاق مہر زخمی ہوگئے، اسپتال انتظامیہ کے مطابق زخمیوں میں گیس بھروانے کے لیے آنے والے بھی شامل ہیں۔ ایدھی کے ذریعے زخمیوں کو سول اسپتال منتقل کیا گیا ہے، اہل علاقہ کا کہنا ہے کہ گیس سلنڈرکی دکان میں واقعہ پیش آیا، جہاں غیر قانونی طور پر بڑے گیس سلنڈرز سے چھوٹے سلنڈر میں گیس بھری جاتی ہے۔
