لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کیخلاف کارروائیاں کرتے ہوئے اشتہاری، روپوش و مطلوب 12 ملزمان کو گرفتار کرکے اسلحہ، چرس اور شراب برآمد کرکے مقدمات درج کرلیے ہیں۔ ڈوکری پولیس نے دوران چیکنگ سرگرم ملزم اختیار ببر کو بغیر لائسنس پستول اور گولیوں سمیت، ملزم بہادر جونیجو کو چرس سمیت، علی گوہر آباد پولیس نے ملزم پرویز جتوئی کو بغیر لائسنس پستول اور گولیوں سمیت، وارث ڈنو ماچھی پولیس نے ضلع قنبر شہدادکوٹ کے تھانہ سجاول میں قتل کے مقدمے میں اشتہاری ملزم ذوالفقار کھوسو کو، باقرانی پولیس نے دوران چیکنگ سنگین نوعیت کے مقدمے میں اشتہاری ملزم رجب تنیو کو، رتوڈیرو پولیس نے دو سے زائد مقدمات میں اشتہاری ملزم غفار جکہرو کو، ماہوٹا پولیس نے دوران چیکنگ جاوید عرف بابو بھٹو کو، تعلقہ پولیس نے روپوش ملزم پپن مغیری کو، سنگین نوعیت کے مقدمے میں مطلوب ملزم یوسف سومرو کو چرس سمیت، حیدری پولیس نے دوران چیکنگ دو سے زائد مقدمات میں روپوش ملزم اوگان عمرانی کو، دہامراہ پولیس نے دوران چیکنگ ملزم صفر جونیجو کو شراب سمیت اور سیہڑ پولیس نے مطلوب ملزم گلبہار لاشاری کو گرفتار کرلیا ہے۔ پولیس کے مطابق گرفتار تمام ملزمان کیخلاف ایسے مقدمات درج کرکے تفتیش شروع کردی گئی ہے۔
