دادو، مورو روڈ پر تیز رفتار موٹر سائیکل بھینس  سے ٹکرا گئی، خاتون جاں بحق، دو افراد زخمی

دادو (نمائندہ جسارت) دادو کے قریب مورو روڈ پر تیز رفتار موٹر سائیکل بھینس سے ٹکرا گئی، خاتون جاں بحق، دو افراد زخمی ہوگئے۔ دادو کے قریب مورو لنک روڈ پر تیز رفتار موٹر سائیکل گزرنے والی بھینس سے ٹکرا گئی، جس کے نتیجے میں 36 سالہ عورت وزیران کلہوڑو جاں بحق جبکہ ساس اور شوہر زخمی ہوگئے۔ حادثے کی اطلاع ملنے کے بعد پولیس نے لاش اور زخمیوں کو سول اسپتال دادو منتقل کردیا، جہاں پر زخمیوں کو علاج کے بعد ڈسچارج اور لاش ضروری کارروائی کے بعد ورثا کے حوالے کردی گئی۔ پولیس کے مطابق حادثے کا شکار موٹر سائیکل سوار نوشہرو فیروز سے واپس آبائی گاؤں پاٹ شریف جا رہے تھے۔