لاڑکانہ (نمائندہ جسارت) لاڑکانہ میں پولیس ٹرینگ اسکول کے قریب وگن روڈ پر تیز رفتار موٹرسائیکل کی ٹکر میں موٹرسائیکل پر سوار گولی مارکا رہائشی 25 سالا نوجوان قمرالدین کھوکھر شدید زخمی ہو گیا، اطلاع پر پولیس اور علاقہ مکینوں جائے وقعہ پر پہنچ کر نوجوان کو تشویش ناک حالت میں چانڈکا اسپتال کے شعبہ حادثات منتقل کیا جہاں زخموں کی تاب نہ لاتے ہوئے نوجوان دم توڑ گیا۔ ورثا کے مطابق نوجوان شہر کے مری چوک پر قائم ہوٹل پر مزدوری کرتا تھا جو مزدوری کے لیے ہوٹل جا رہا تھا کہ راستے میں حادثہ پیش آگیا، متوفی کی لاش ضروری کارروائی کے بعد ورثا کے حوالے کر دی گئی۔
