سکھر (نمائندہ جسارت) سکھر پولیس کی کارروائی، 10 روز قبل شکارپور کے علاقے ہمایوں سے اغوا ہونے والے 15 سالہ شیراز چنا کو بحفاظت بازیاب کرالیا گیا، اغوا کار گرفتار۔ پولیس ترجمان کے مطابق سنگرار پولیس نے دوران ناکہ بندی کار سوار کو روکا، دوران تفتیش مغوی نے پولیس کو بتایا کہ اغوا کار مشتاق شاہ اسے اغوا کرکے لے جارہا تھا، 10 روز قبل مغوی شیراز چنا کو شکارپور کے علاقے ہمایوں سے دو نامعلوم ملزمان نے اغوا کرکے نامعلوم مقام منتقل کردیا تھا، مغوی کو ہمایوں سے گھوٹکی منتقل کیا جارہا تھا کہ سکھر پولیس نے راستے میں ہی ملزمان کو دھرلیا، واقعہ کا مقدمہ شکارپور کے تھانہ ہمایوں میں پہلے ہی درج تھا۔ ایس ایس پی سکھر عرفان علی سموں نے بہترین کارروائی پر شاباشی کا پیغام دیا ہے۔
