لاڑکانہ (نمائندہ جسارت) لاڑکانہ ریلوے اسٹیشن پر چنے بیچنے والا 45 سالہ محنت کش قربان علی شیخ سکھر سے کوٹری جانے والی موہن جو دڑو پیسنجر میں اترنے کے دوران پیر پھسلنے سے ٹرین کی زند میں آکر جاں بحق ہوگیا، اطلاع پر ریلوے پولیس نے پہنچ کر لاش چانڈکا اسپتال کے شعبہ حادثات منتقل کردی، جہاں ضروری کارروائی کے بعد لاش ورثا کے حوالے کی گئی۔ متوفی 30 سال سے چنے بیچ کر بچوں کی کفالت کرتا تھا۔لاش گھر پہنچنے پر کہرام مچ گیا۔
