سکھر( نمائندہ جسارت)پنوعاقل کے قریب ٹرک کی ٹکر سے موٹر سائیکل سوار ہلاک، دوبچے زخمی، متوفی کی نعش گھر پہنچنے پر کہرام مچ گیا،پنوعاقل کے قریب بائی پاس پر گاؤں بچل خان دھاریجو کے مقام پر تیز رفتار ٹرک نے موٹر سائیکل کو ٹکر مار دی جس کے نتیجے میں موٹرسائیکل سوار موقع پر جاں بحق ہوگیا جبکہ اس کے دو بچے زخمی ہوگئے متوفی کی شناخت عبدالسلام کے نام سے کی گئی ہے جو اپنے بچوں کو موٹرسائیکل پر اسکول چھوڑنے جارہا تھا کہ حادثہ پیش آیا جو موقع پرہی فوت ہوگیا۔ پولیس نے تمام ضروری قانونی کارروائی کے بعد نعش ورثا کے حوالے کردی۔جبکہ دونوں زخمی بچوں کو مقامی اسپتال میں فوری طبی امداد فراہم کی گئی پولیس نے ٹرک تحویل میں لے لیا ہے۔
