کراچی (اسٹاف رپورٹر) پنجاب کے شاہد آفتاب اور نیشنل بینک کے محمد آصف 45ویں ا سنوکر چیمپئن شپ کے فائنل میں پہنچ گئے۔ پاکستان ا سنوکر فیڈریشن کے زیراہتمام چیمپئن شپ کا فائنل آج کراچی میں کھیلا جائے گا۔ گذشتہ روز کھیلے گئے پہلے سیمی فائنل میں پنجاب کے شاہد آفتاب نے پنجاب کے محمد احسن کو 6-3 سے شکست دے کر فائنل میں جگہ بنالی۔ دوسرے سیمی فائنل میں نیشنل بینک کے محمد آصف نے نیشنل بینک کے اقبال کو6-4 سے ہرا کر فائنل کے لئے کوالیفائی کرلیا۔
