اسلام آباد (آئی این پی) پیپلزپارٹی کے سینئر رہنمائوں کا مشاورتی اجلاس آج طلب کر لیا گیا، بلاول زرداری کا نیب کے نوٹس پر کیا ردعمل ہوگا اور ان کی نیب پیشی سے متعلق فیصلہ کیا جائے گا۔ نجی ٹی وی کے مطابق پیپلزپارٹی کے چیئرمین بلاول زرداری کی زیر صدارت پیپلز پارٹی کے سینئر رہنمائوں کا مشاورتی اجلاس آج اسلام آباد میں طلب کر لیا گیا ہے جس میں پاکستان پیپلزپارٹی کی مرکزی قیادت اور قانونی ماہرین بھی شریک ہوں گے۔ اجلاس میں ملکی سیاسی صورتحال کا جائزہ اور پورے ملک میں حکومت مخالف پارٹی مہم تیز کرنے کا فیصلہ کیا جائے گا اور پیپلز پارٹی کی قیادت کی ہم خیال جماعتوں سے رابطے کیلیے کمیٹی تشکیل دینے پر بھی غور کیا جائے گا۔
