کراچی(اسٹاف رپورٹر)امیرجماعت اسلامی پاکستان سینیٹر سراج الحق آج سندھ کے 2روزہ دورے پر کراچی پہنچیں گے۔صوبائی اعلامیے کے مطابق وہ آج شام 7 بجے قبا آڈیٹوریم میں جماعت اسلامی سندھ کے تحت سابق صوبائی نائب امیرشہید عظیم بلوچ کی یاد میں منعقدہ تعزیتی اجتماع سے خصوصی خطاب کریں گے۔ تعزیتی جلسے سے مرکزی نائب امرا اسداللہ بھٹو، ڈاکٹر معراج الہدیٰ صدیقی،صوبائی امیر محمد حسین محنتی،قیم صوبہ کاشف سعید شیخ اورامیرحلقہ کراچی حافظ نعیم الرحمن سمیت دیگر قائدین خطاب کریں گے۔ یاد رہے کہ 13 جنوری کو محمد عظیم بلوچ 2 ساتھیوں عرفان لاکھو اور غلام رسول آرائیں سمیت ایک روڈ حادثے میں شہید ہوگئے تھے۔
