گوجرانوالہ، رحیم یار خان (آئی این پی) گوجرانوالہ کے قریب کامونکی میں منی ٹرک بس سے ٹکرا گیا، حادثے میں 2 افراد جاں بحق ہوگئے۔ کامونکی میں ٹرک جی ٹی روڈ پر خراب ہونے کے باعث کھڑی بس سے ٹکراگیا، حادثے میں ٹرک میں سوار 2 افراد جاں بحق ہوگئے۔ حادثے کے بعد بس میں آگ لگ گئی جس پر ریسکیو نے قابو پالیا۔ پولیس نے حادثے کی تحقیقات شروع کر دی ہیں۔ ادھر رحیم یارخان کے قریب ظاہر پیر میں بس الٹ گئی، حادثے میں 26 طلبہ زخمی ہوگئے، ریسکیو نے زخمیوں کو اسپتال منتقل کردیا، حادثے کا شکار ہونے والی بس میں طلبہ سیر کے لیے لاہور جا رہے تھے۔
