راولپنڈی(آئی این پی)راولپنڈی کے علاقے مسلم ٹائون میں گلے پر ڈور پھرنے سے موٹر سائیکل سوار نوجوان زخمی ہو گیا،نوجوان کو ہسپتال منتقل کر دیا گیا۔تفصیلات کے مطابق راولپنڈی کے علاقے مسلم ٹائون میں گلے پر ڈور پھرنے سے موٹر سائیکل سوار نوجوان زخمی ہو گیا، پولیس حکام کے مطابق ڈور گلے پر پھرنے سے نوجوان کی سانس کی نالی کٹ گئی اور اس نوجوان کو اسپتال منتقل کر دیا گیا، پولیس حکام کے مطابق زخمی نوجوان مسلم ٹائون کا رہائشی ہے۔
