لاڑکانہ (نمائندہ جسارت) درگاہ مشوری شریف گاؤں میں آوارہ کتے نے کاٹ کر 20سالہ نوجوان عاطف لاشاری کو زخمی کردیا جسے ورثا نے ویکسین دینے کے لیے چانڈکا اسپتال کے شعبہ حادثات منتقل کیا جہاں مبینہ طور پر سگ گزیدگی کی ویکسین نہ ملنے کے خلاف نوجوان نے احتجاج کرتے ہوئے بتایا کہ میں کئی گھنٹوں سے اسپتال میں ویکسین کے لیے موجود ہوں متعدد بار ڈاکٹروں کو ویکسین کے لیے کہا تاہم ان کی جانب سے ویکسین نہیں دی گئی۔ انہوں نے مطالبہ کیا کہ ویکسن فراہم کرکے زندگی بچالی جائے۔
