کوئٹہ (آن لائن) کوئٹہ سمیت بلوچستان کے شمالی علاقوں میں سردی کی شدت بدستور برقرار، آیندہ 24 گھنٹوں میں کوئٹہ سمیت شمالی بلوچستان میں بارش اور پہاڑوں پر برفباری کاامکان ہے۔ کوئٹہ سمیت بلوچستان کے مختلف علاقوں میں سردی کی شدت میں اضافے کے باعث لوگ گھروں میں محصور ہوکر رہ گئے ہیں۔ محکمہ موسمیات کے مطابق آج وادی کوئٹہ سمیت بلوچستان کے شمالی علاقوں زیارت، کان مہترزئی، توبہ اچکزئی، توبہ کاکڑی، خانوزئی، پشین، چمن، قلعہ عبداللہ، قلعہ سیف اللہ سمیت دیگر علاقوں میں بارش اور پہاڑوں پر برفباری کاامکان ہے۔
