نوابشاہ (سٹی رپورٹر) کراچی سے لاہور جانے والے 39 ہزار لیٹر پیٹرول سے لوڈ آئل ٹینکر دولت پور نیشنل قومی شاہراہ پر موجود غیر قانونی تیل ایجنسیوں کے ہاتھ چڑھ گیا، دس ہزار لیٹر پیٹرول چوری ہونے کا انکشاف۔ دولتپور صفن میں نیشنل قومی شاہراہ پر غیر قانونی تیل کی ایجنسیوں کا کاروبار عروج پر، گزشتہ رات کراچی سے لاہور جانے والے 39 ہزار لیٹر تیل سے لوڈ گو کمپنی کے ٹینکر ڈرائیور شہباز ولد محمد اقبال نے دولتپور نیشنل قومی شاہراہ پر موجود غیر قانونی تیل کی ایجنسیوں کو دس ہزار لیٹر پیٹرول ٹینکر میں سے نکال کر دیا جس پر کراچی سے آئل ٹینکر مالک حاجی عبدالغفار کی طرف سے ٹینکر میں لگے ٹریکر کے ذریعے رابطہ کرنے پر پیٹرول کی چوری کو پکڑا، جس پر حد کی پولیس دولتپور ایس ایچ او امام الدین مارفانی کے ذریعے غیر قانونی تیل ایجنسیوں کے مالکان میں سے ایک کو گرفتار کرلیا اور آئل ٹینکر کو تحویل میں لے لیا جبکہ ڈرائیور فرار ہونے میں کامیاب ہوگیا۔ چوری ہونے والے 10 ہزار لیٹر پیٹرول کی قیمت 120 روپے فی لیٹر کے حساب سے 12 لاکھ روپے ہے۔
