لاڑکانہ(نمائندہ جسارت)لاڑکانہ شہر کے تھانہ مارکیٹ کی حد سبزی منڈی روڈ پر تیز رفتار ٹرک نے ٹکر مارکر 8سالہ بچے وسیم ولد وقار علی شیخ کو شدید زخمی کردیا جبکہ حادثے کے بعد ڈرائیور فرار ہوگیا اطلاع پر حد کے تھانہ کی پولیس نے پہنچ کر ٹرک تحویل میں لیتے ہوئے زخمی بچے کو علاج کے لیے چانڈکا اسپتال کے شعبہ حادثات منتقل کیا جہاں انہیں طبی امداد دی گئی، پولیس کے مطابق 8سالہ بچہ سبزی منڈی سے گذررہا تھا کہ ٹرک کی ٹکر سے زخمی ہوا جبکہ حادثے کے بعد ڈرائیور فرار ہوگیا تاہم ٹرک تحویل میں لیتے ہوئے ڈرائیورکی تلاش شروع کردی ہے، دوسری جانب زخمی بچے کو طبی امداد گئی جس کی حالت خطرے سے باہر بتائی جاتی ہے۔
