لاہور: پاکستان اور بنگلادیش کے درمیان تین ٹی 20 میچز کی سیریز کیلیے ٹریفک پلان جاری کردیا گیا۔
لاہور ٹریفک پولیس کےمطابق قذافی اسٹیڈیم میں پاکستان اور بنگلادیش کے درمیان کھیلے جانے والے میچوں کے دوران شہری درج ذیل متبادل راستوں کا انتخاب کرسکیں گے۔
Traffic Diversion Plan for #PAKvBAN T20I series in Lahore.
P.C: PCB pic.twitter.com/NMK31EOzs3
— Cric Mindz (@CricMindz) January 23, 2020
ٹریفک پولیس کے مطابق کینال روڈ دونوں اطراف عام ٹریفک کیلئے کھلے رہے گی، فردوس مارکیٹ، حسین چوک، ایم ایم عالم روڈ، منی مارکیٹ، مین بلیوارڈ اور صدیق ٹریڈ سینٹر ٹریفک جاسکے گی۔
فردوس مارکیٹ، سینٹر پوائنٹ اور کلمہ چوک سے برکت مارکیٹ، فوارہ نمبر ایک صدیق ٹریڈ سینٹر ، پل نہر جیل روڈ تا قرطبہ چوک اور فیروزپور روڈ بھی براستہ وحدت روڈ ٹریفک کیلئے کھلا رہےگا۔
دوسری جانب سیکورٹی مسائل کی بنا پر میچ دیکھنے آنے والے تمام شائقین کو ٹکٹ اور شناختی کارڈ لانا لازمی ہوگا، پارکنگ ایریا میں گاڑی کھڑی کرنے کے بعد شٹل سروس استعمال کرنی ہوگی۔
یاد رہے کہ دونوں ٹیموں کے درمیان ٹی20 سیریز کا پہلا میچ 24 جنوری کو قذافی اسٹیڈیم لاہور میں کھیلا جائےگا۔
