ہنگورجہ (نمائندہ جسارت) صحافی اتحاد خیرپور کی جانب سے نوجوان صحافی بلاول شر پر جواریوں کی جانب سے حملہ کر کے زخمی کرنے اور ان سے لوٹ مار کرنے کیخلاف صحافی اتحاد خیرپور کے صدر غلام حسین چانگ، منظور جہانگر، فیاض سولنگی، ہادی بخش خاصخیلی، شمن راجپر، رحیم سولنگی، محمد صدیق سولنگی، گلزار سہتو، عزیز میمن، عابد حسین سہتو، عبدالجبار چانگ، مبشر جہانگر، آفتاب بھنبھرو، فارق حیدر بھنبھرو، فیاض شیخ، نواز سولنگی اور دیگر کی قیادت میں پریس کلب کے سامنے احتجاجی مظاھرہ کیا گیا۔ انہوں نے کہا کہ صحافی بلاول شر پر جواریوں نے حملہ کر کے ان کو زخمی کیا ہے اور ان سے نقدی اور موبائل فون بھی چھین لیا گیا لیکن پولیس ان کیخلاف کوئی کارروائی کرنے کے لیے تیار نہیں۔ انہوں نے کہا کہ صحافیوں کیخلاف کارروائیاں کر کے ان کو حق سچ لکھنے سے روکا جارہا ہے۔ انہوں نے مطالبہ کیا کہ حملہ آوروں کو فوری طور پر گرفتار کیا جائے۔
