لاڑکانہ پولیس کارروائیوں میں 6 ملزمان گرفتار، منشیات، ایرانی ڈیزل اور ایل سی ڈی ٹی وی برآمد

لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پرلاڑکانہ پولیس نے جرائم پیشہ افراد کیخلاف کارروائیاں کرتے ہوئے 6 ملزمان کو گرفتار کرکے منشیات، ایرانی ڈیزل اور ایل سی ڈی ٹی وی برآمد کرکے مقدمات درج کرلیے۔ ڈوکری پولیس نے دوران چیکنگ ملزم فاروق خاصخیلی کو منشیات سمیت، گیریلو پولیس نے ملزم ارشاد جتوئی کو چرس سمیت، ہوٹل آئی ٹی مینجمنٹ سسٹم کے ذریعے کراچی سے اشتہاری ملزم راجا شیخ کو گرفتار کرلیا گیا، رتوڈیرو پولیس نے دوران چیکنگ غیرقانونی ایرانی ڈیزل ایک ہزار لیٹر سمیت ٹرک کو اپنی تحویل میں لیکر مقدمہ درج کرلیا۔ دوسری جانب حیدری پولیس نے جوئے کے اڈے پر چھاپا مارکرتین جواریوں مرتضیٰ، نادر اور فیاض کو نقدی اور ایل سی ڈی ٹی وی سمیت گرفتار کرلیا ہے۔