کراچی(رپورٹ:منیر عقیل انصاری)کراچی پریس کلب کے صدر کی نشست پر ہونے والے ضمنی انتخابات میں ”دی ڈیمو کریٹس پینل“ کے صدر کے امیدوار محمدامتیاز خان فاران نے کامیابی حاصل کر لی ہے۔ضمنی انتخابات کیلئے پولنگ 11جنوری 2020بروز ہفتہ صبح 9 سے شام 5 بجے تک بغیر کسی وقفے کے کراچی پریس کلب میں جاری رہی، جس میں ”دی ڈیمو کریٹس پینل“، ”دی یونائیٹڈ پینل“ اور ایک امیدوار نے آزاد حیثیت سے انتخا بات میں حصہ لیا ہے،
کراچی پریس کلب کے ارکان کی بڑی تعداد نے انتخابی عمل میں اپنا حق رائے دہی کا استعمال کیا۔انتخابات میں کمپیوٹرائزڈ طر یقے سے الیکٹرونک سسٹم کے ذریعے رائے شماری کرائے گئی،
کراچی پریس کلب کے انتخابات برائے سال2020 کے چیئرمین الیکشن کمیٹی حسن امام صدیقی کی جاری کر دہ نتائج کے مطابق ”دی ڈیمو کریٹس پینل“ کے صدر کے امیدوار محمدامتیاز خان فاران585ووٹ لیکر کامیاب قرار پائے ہیں جبکہ مد مقابل دی یونائیٹڈ پینل کے امیدوار احمد خان ملک نے 479ووٹ حاصل کر سکے ہیں،محمدامتیاز خان فاران کو 106 ووٹوں کی برتری حاصل رہی ہے،
کراچی پریس کلب کی الیکشن کمیٹی نے صدر کی نشست پر 11 جنوری بروز ہفتہ کو دوبارہ پولنگ کرانے کا حکم دیا تھا،
ضمنی انتخابات برائے سال2020 کے چیئرمین الیکشن کمیٹی حسن امام صدیقی نے نتا ئج کا اعلان کیا، انتخابات کیلئے حسب روایت ووٹ ڈالنے کے لئے کراچی پریس کلب کا کارڈ یا قومی شناختی کارڈ دکھانا لازمی قرار دیا گیا تھا،
الیکشن کیلئے 1476ارکان ووٹ کے اہل قرار دیئے گئے تھے، جس میں سے 1076ارکان نے حق رائے دہی میں حصہ لیا۔ واضح رہے کہ کراچی پریس کلب کے 1958ء میں اپنے قیام سے آج تک یہاں ہر سال باقاعدگی سے انتخابات منعقد ہو تے رہے ہیں۔
اس سے قبل 28دسمبر بروز ہفتہ2019کو کراچی پریس کلب میں ہونے والے سالانہ انتخابات میں ”دی ڈیمو کریٹس پینل“ کے نائب صدر کے امیدوار سعید سربازی نے 822ووٹ لے کر کامیاب قرار پائے تھے جبکہ دی یونائیٹڈ پینل کے سالک مجیدنے 338ووٹ حاصل کئے تھے،
خزانچی کے عہدے پر (دی ڈیمو کریٹس) کے راجہ کامران نے 786ووٹ لیکر کامیابی حاصل کی جبکہ مد مقابل ایم نعیم کھوکھردی یونائیٹڈ پینل کے 374ووٹ حا صل کر سکے تھے،
سیکرٹر ی کی نشست کیلئے (دی ڈیموکریٹس) کے ارمان صابر 846ووٹ لیکر کامیاب قرار دیئے گئے جبکہ فیضان لاکھانی دی یونائیٹڈ پینل نے 312ووٹ حا صل کئے تھے،
جوائنٹ سیکر ٹری کے عہدے پر (دی ڈیموکریٹس) کے محمد ثاقب صغیر 790ووٹ لیکر کامیاب ہوئے تھے جبکہ دی یونائیٹڈ پینل کے لیاقت علی رانا 364ووٹ حاصل کر سکے تھے،
اسی طرح(دی ڈیمو کریٹس پینل) نے گورننگ باڈی کی تمام 7 نشستو ں پر بھی کلین سوئپ کیا ہے۔ دی ڈیمو کریٹس کے گورننگ باڈی کے امیدواروں میں عبد الجبار ناصر نے 800 ووٹ، عبدالوحید راجپرنے 763 ووٹ، زین علی نے 705 ووٹ، عتیق الرحمان نے 694 ووٹ، بینا قیوم نے 676 ووٹ، سعید لاشاری نے 662 ووٹ اور لیاقت مغل نے 579 ووٹ حاصل کر کے کامیابی حاصل کی تھی۔
