کراچی( اسٹاف رپورٹر) چیف جسٹس پاکستان جسٹس گلزار احمد نے میوہ شاہ نور باغ قبرستان میں جسٹس ریٹائرڈ فخرالدین جی ابراہیم کی قبر پر حاضری دی۔چیف جسٹس نے فخرالدین جی ابراہیم کی قبر پر پھول بھی چڑھائے، چیف جسٹس اور عدالت عظمیٰ کے دیگر ججز نے فخرالدین جی ابراہیم مرحوم کی قبر پر فاتحہ خوانی کی،چیف جسٹس اور دیگر ججز صاحبان نے فخرالدین جی ابراہیم کے انتقال پر اظہار افسوس کیا۔چیف جسٹس کے ہمراہ جسٹس فیصل عرب، جسٹس سجاد علی شاہ ، جسٹس مشیر عالم اور جسٹس مقبول باقر بھی چیف جسٹس کے ہمراہ موجودتھے ۔چیف جسٹس اور دیگر ججز نے مرحوم کے بیٹے زاہد فخرالدین جی ابراہیم سے تعزیت بھی کی۔
