مشرف کی سزائے موت کیخلاف ہائیکورٹ میں مزید درخواست دائر

لاہور(نمائندہ جسارت)مشرف کی سزائے موت کیخلاف ہائیکورٹ میں مزید درخواست دائر۔سابق صدرجنرل(ر)پرویزمشرف کی سزائے موت پر عملدر آمدرکوانے کے لیے ہائیکورٹ میں دوبارہ متفرق درخواست دائرکردی گئی۔لاہورہائیکورٹ میں ایڈووکیٹ اظہرصدیق کی جانب سے سابق صدر و آرمی چیف جنرل (ر) پرویزمشرف کی سزائے موت پر عملدر آمدرکوانے کے لیے دوبارہ متفرق درخواست دائرکردی گئی، جوسماعت کے لیے بھی مقررکردی گئی ہے۔ جسٹس سید مظاہرعلی اکبرنقوی کی سربراہی میں فل بینچ پرویز مشرف کی درخواست پر(آج) جمعرات کو سماعت کرے گا۔درخواست گزار کا موقف ہے کہ خصوصی عدالت نے غداری کیس کا فیصلہ عجلت میں سنایا، خصوصی عدالتی کی تشکیل سے متعلق معاملہ عدالت میں زیر التوا تھا۔ درخواست میں استدعا کی گئی کہ عدالت پرویز مشرف کی سزا پر عمل درآمد روکنے کا حکم جاری کرے۔اس سے قبل بھی پرویز مشرف نے سنگین غداری کیس میں خصوصی عدالت کے فیصلے کو
لاہور ہائیکورٹ میں چیلنج کیا تھا۔ سابق صدر کی جانب سے خصوصی عدالت کی سزا کے خلاف دائردرخواست میں پیرا 66 پر اعتراض اٹھاتے ہوئے اسے حذف کرنے کی استدعا کی گئی تھی۔