سکھر اسمال ٹریڈرز ، ایس ڈی اے کی جانب سے قرآن خوانی

سکھر(اے پی پی) سکھراسمال ٹریڈرز، سکھر ڈیویلپمنٹ الائنس کی جانب سے سکھر میں عمارت گرنے سے جاں بحق افراد کے ایصال ثواب اور زخمیوں کی جلد صحت یابی کے لیے تاجر سیکریٹریٹ گولڈ سینیٹر صرافہ بازار میں قرآن خوانی اور دعا کی گئی۔ جس میں سکھر اسمال ٹریڈرز کے صدر، ایس ڈی اے چیئرمین حاجی محمد جاوید میمن، حاجی غلام شبیر بھٹو، غلام مصطفی پھلپوٹو، عبدالستار راجپوت، اشفاق حسین بھٹی، رضوان قادری،عبدالباری انصاری، بابو عبدالکریم، حافظ محمد شریف ڈاڈا، اسلام نور، اسلم شیخ، خادم حسین انڑ، عبدالحمید شیخ، راشد صدیقی، محمد رفیق، استاد محمد حنیف، محمد عامر، غلام عباس، شکیل بندھانی، اصغر علی عباسی، الیاس، عزیز میمن، و دیگر نے بڑی تعداد میں شرکت کی۔
اس موقع پر قرآن خوانی کے بعد حافظ محمد شہزاد قادری نے دعاکرائی کہ اللہ تعالیٰ جاں بحق افراد کی مغفرت فرماکر جنت الفردو س میں اعلیٰ مقام عطا فرمائے اور لواحقین کو یہ صدمہ برداشت کرنے کی توفیق دے اور جو افراد زخمی ہوئے ہیں، انہیں اللہ تعالیٰ جلد صحت یابی عطا فرمائے۔