نوجوان طلبہ کی تعلیم و تربیت میں کیڈٹ کالج سانگھڑ کا کردار قابل تعریف ہے،زاہد الیاس

کراچی (پ ر) کیڈٹ کالج سانگھڑ میں 23 ویں سالانہ یوم والدین کی تقریب کا انعقاد کیا گیا۔ اتوار کو جاری کردہ اعلامیہ کے مطابق کمانڈر کراچی رئر ایڈمرل زاہد الیاس تقریب کے مہمان خصوصی تھے۔ تقریب سے خطاب کرتے ہوئے مہمان خصوصی رئر ایڈمرل زاہد الیاس ،جو کیڈٹ کالج سانگھڑکے بورڈ آف گورنرز کے چیئر مین بھی ہیں، نے نوجوان طلبہ کی تعلیم و تربیت میں کیڈٹ کالج سانگھڑ کے کردار کو سراہا۔
اور کالج کے تعلیمی معیار کے ساتھ اعلیٰ ملٹری اور جسمانی تربیت کی بھی تعریف کی۔ انہوں نے اپنی انتھک محنت سے کالج کو قلیل عرصے میں سندھ کا بہترین ادارہ بنانے پر کالج کے اساتذہ اور اسٹاف کو خراج تحسین پیش کیا۔