سکھر (نمائندہ جسارت) ضلع سکھر کے علاقے گدپور کچے میں ڈاکوؤں کیخلاف سکھر پولیس کا آپریشن جاری ہے، پولیس اور ڈاکوؤں کے درمیان فائرنگ کے تبادلے میں تیغانی گروہ کے 2 ڈاکوؤں کے زخمی ہونے کی اطلاعات ہیں۔ پولیس ترجمان کی مطابق جرائم پیشہ عناصر کے ٹھکانوں اور کچے میں موجود گاؤں میں پولیس کا سرچ آپریشن و تلاشی جاری ہے۔ تلاشی کے دوران متعلقہ کوائف چیک کیے گئے اور موقع سے 5 مشتبہ افرادکو زیر حراست لیا گیا ہے۔ کارروائی کے دوران ڈاکوؤں کے ٹھکانے نذرآتش کردیے گئے ہیں۔ جاری آپریشن کے دوران پانچ مشتبہ افراد زیر حراست، تفتیش کے لیے نامعلوم مقام منتقل کیا گیا ہے۔ ایس ایس پی سکھر کے مطابق کچے میں موجود ڈاکوؤں کے ٹھکانوں کے اطراف مزید پولیس پکٹس بھی قائم کردی گئیں تاکہ ڈاکوؤں کی نقل حرکت کو محدود اور ان پہ نظر کڑی رکھی جاسکے۔
