نارووال(این این آئی)مسافر وین شدید دھند کی وجہ سے درخت سے ٹکرا نے کے نتیجے میں7مسافر زخمی ہو گئے۔بتایا گیا ہے کہ شکر گڑھ روڈ پر کرتار پور کے قریب تیز رفتار مسافر وین شدید دھند کے باعث درخت سے ٹکرا گئی جس کے نتیجہ میں سات مسافر 28 سالہ وسیم، 28سالہ یاسمین،21 سالہ طاہرہ پروین،40 سالہ عابد ،33 سالہ عباس،18 سالہ خذیفہ اور 35 سالہ ہمایوں زخمی ہو گئے جنہیں ریسکیو 1122 نے فوری طور پر ابتدائی طبی امداد کے بعد اسپتال منتقل کر دیا۔
