گریٹرٹرافی باسکٹ بال ٹورنامنٹ ،سول کلب نے ڈائو کلب کو ہرادیا

کراچی(اسٹاف رپورٹر) پاکستان اسپورٹس ویلفیئر اور کراچی باسکٹ بال ایسوسی ایشن کے تحت پاکستان بیوریج لمیٹیڈ کے اشتراک سے عبدالناصر باسکٹ بال کورٹ آرام باغ کراچی پر جاری “پہلے GATORADE ٹرافی باسکٹ بال ٹورنامنٹ2019ء”میں مزید 2میچوں کے فیصلے ہوگئے ۔پہلے میچ میں سول باسکٹ بال کلب نے مد مقابل ڈائو باسکٹ بال کلب کو 41کے مقابلے میں 49باسکٹ پوائنٹس سے مات دیدی ،فاتح کلب کی جانب سے ہمایوں اسلم 12،حسن علی 10اور فیصان شیخ نے10جبکہ رنر اپ کلب کی جانب سے فیضان یوسف 15،حمزہ پروانی 13اورحارث خان نے11پوائنٹس حاصل کرکے نمایاں کھلاڑی رہے کھیلے گئے دوسرے میچ میں نیشنل کلب نے مد مقابل کراچی کولٹس باسکٹ بال کلب کو شاندار کھیل کے بعد 39کے مقابلے میں 45باسکٹ پوائنٹس سے شکست دیدی فاتح کلب کی جانب سے عثمان خواجہ 22،محمد حسن اقبال 10 اور حارث شاہد نے 10جبکہ رنر اپ کلب کی جانب سے شارق سلیمان 15،منیب چنا 11اور رافع صلاح الدین نے 10پوائنٹس حاصل کئے ۔کھیلے گئے دونوں میچوں میں ریفریز کے فرائض نیشنل باسکٹ بال ریفریز عامر شریف ،زاہد ملک اور ممتاز احمد نے انجام دیے۔