سکھر (نمائندہ جسارت) روہڑی بائی پاس پر دھند کے باعث حادثہ، تیز رفتار کوچ کی کار کو ٹکر، کار نے نوجوان کو کچل دیا، پولیس نے بس اور کوچ کو تحویل میں لے لیا۔ روہڑی کے قریب بائی پاس پر پنجاب سے کراچی جانے والی مسافر کوچ نے دھند کے باعث آگے جانے والی کار کو ٹکر مار دی، جس سے کار ڈرائیور کے قابو سے نکل کر ایک راہ گیر نوجوان پر چڑھ دوڑی اور اسے کچل دیا، جس سے نوجوان کی موت واقع ہوگئی۔ پولیس نے موقع پر پہنچ کر لاش تحویل میں لے کر ایدھی ایمبولینس کے ذریعے روہڑی اسپتال منتقل کردی جبکہ کار اور کوچ کے ڈرائیور کو حراست میں لے کر دونوں گاڑیاں تحویل میں لے لی ہیں۔
