کراچی (اسٹاف رپورٹر) کراچی ڈویژن نے سندھ مارشل آرٹس کونسل باکسنگ چیمپئن شپ ٹرافی جیت لی، جام شورو نے دوسری اور میر پور خاص نے تیسری پوزیشن حاصل کی۔ سندھ مارشل آرٹس کونسل اینڈ ویلفیئر سوسائٹی کے زیر اہتمام ڈسٹرکٹ ویسٹ میں باکسنگ کے مقابلوں کا انعقاد کیا گیا جس میں کراچی سمیت سندھ سے100 کھلاڑیوں نے حصہ لیا۔ ایونٹ میں لاڑکانہ ، سکھر، حیدر آباد اور شہید بے نظیر آباد(نواب شاہ) کے کھلاڑیوں نے 15 ویٹ کیٹگری کے مقابلوں میں اپنی شاندار کارکردگی سے داد وصول کی۔ مقابلوں میں پہلی پوزیشن لینے والے کراچی کے کھلاڑیوں کو 26سے30 دسمبر کو منعقد ہونے والی دوسری نیشنل کک باکسنگ چیمپئن شپ گوجرنوالہ کیلئے سندھ کک باکسنگ ٹیم کی سلیکشن بھی کی گئی۔
