کوئٹہ(جسارت نیوز ) گورنمنٹ گرلز ڈگری کالج لورالائی میں کل سے 12 دسمبر تک اسپورٹس ویک کا انعقاد ہوگا جوکہ سیکرٹری اسپورٹس، ڈائریکٹر جنرل اسپورٹس اور ڈسڑکٹ اسپورٹس آفیسرسید ظفر اللہ شاہ کے خصوصی تعاون سے شروع ہوگا۔ یہ بات گورنمنٹ گرلز ڈگری کالج کی پرنسپل روبینہ کنول نے کہی۔ انہوں نے کہا کہ ہر سال کی طرح اس سال بھی اسپورٹس ویک کا انعقاد کیا جا رہا ہے جس میں بیڈمنٹن ،کرکٹ، تھروبال ،والی بال، ٹیبل ٹینس ، باسکٹ بال ، رسہ کشی اور دیگر کھیلوں کے مقابلے ہوں گے۔ اسپورٹس ہمارے معاشرے کا ایک اہم حصہ ہیں اس سے جسمانی اور دماغی نشونماہوتی ہے۔
