لندن: شہباز شریف کی حاضری سے استثنا کی اپیل ہائی کمیشن میں داخل

لندن (آن لائن) مسلم لیگ (ن)کے صدر شہباز شریف نے پاکستان میں جاری کیسز میں پیشی سے استثنا کے لیے پاکستانی ہائی کمیشن لندن میں درخواست جمع کرادی۔ شہباز شریف کی
جانب سے پاکستان ہائی کمیشن لندن کی قومی احتساب بیور (نیب) کورٹ میں درخواست جمع کرائی گئی ہے جس میں استدعا کی گئی ہے کہ انہیں جاری کیسز میں پیش ہونے سے استثنا دی جائے۔ شہباز شریف نے درخواست میں موقف اپنایا ہے کہ میں لندن میں اپنے بھائی نواز شریف کے علاج میں مصروف ہوں، میں اپنا میڈیکل چیک اپ بھی کرا رہا ہوں، لہذا عدالت میں حاضری سے استثنا دیا جائے۔ شہباز شریف نے مزید لکھا کہ میری جگہ میرے وکیل محمد نواز چودھری عدالت میں پیش ہوں گے۔ شہباز شریف نے اپنے وکیل کے نام پاور آف اٹارنی بھی ارسال کردیا ہے۔ خیال رہے کہ سابق وزیراعظم میاں محمد نواز شریف علاج کی غرض سے 19 نومبر کو لندن پہنچے تھے اور شہباز شریف بھی ان کے ساتھ تھے۔
شہباز شریف استثنا