لاڑکانہ (نمائندہ جسارت) ایس ایس پی لاڑکانہ مسعود احمد بنگش کی ہدایات پر لاڑکانہ پولیس نے جرائم پیشہ افراد کیخلاف کارروائیاں کرتے ہوئے سنگین نوعیت کے مقدمات میں مطلوب 5 ملزمان کو گرفتار کرکے اسلحہ اور منشیات برآمد کرلی۔ گڑھی خدا بخش بھٹو پولیس نے دوران چیکنگ سنگین نوعیت کے مقدمات میں مطلوب ملزم مصطفی جروار کو کلاشنکوف نما ٹرپل ٹو رائفل اور گولیوں سمیت، رتوڈیرو پولیس نے دوران چیکنگ مبارک شاہ لنک روڈ سے ملزم رزاق مارفانی کو ہیروئن سمیت، رحمت پور پولیس نے نذر محلے سے ملزم شاہ زیب قاضی کو شراب کی 8 بوتلوں سمیت، سول لائن پولیس نے دوران چیکنگ ملزم زوہیب چنا کو شراب سمیت، جبکہ ولید پولیس نے اناج منڈی سے ملزم اکرم اللہ لاشاری کو بھنگ سمیت گرفتار کرلیا ہے۔ پولیس کے مطابق گرفتار تمام ملزمان کیخلاف ایسے مقدمات درج کرکے تفتیش شروع کردی گئی ہے۔
