ڈیرہ اسماعیل خان(آن لائن)تحصیل کلا چی کے علا قہ ہتھالہ کے قریب سڑک کے کنارے نصب بارودی مواد پھٹنے سے پولیس موبائل میں سوار ایک پولیس اہلکار زخمی ہو گیا۔پولیس اور سیکورٹی فورسز نے موقع پر پہنچ کر علاقے کو گھیرے میں لے کر نامعلوم دہشت گردوں کی تلاش شروع کردی۔یہ واقعہ اس واقت پیش آیا جب پی ٹی آئی کے رکن قومی اسمبلی شیخ محمد یعقوب کے جلسے کے لیے سیکورٹی انتظامات کے لیے پولیس موبائل جارہی تھی کہ راستے میں نامعلوم دہشت گردوں کی طرف سے سڑک کنارے نصب کیا گیا بارودی موادپھٹ گیا۔ پو لیس موبائل میں اے ایس آئی فضل الرحمن اور دیگر پولیس اہلکار سوار تھے،دھماکے سے پولیس کی گاڑی کو معمولی نقصان پہنچا جبکہ ایلیٹ فورس کا اہلکار محمد طارق زخمی ہوا ،جسے فوری طور پر طبی امداد کے لیے ڈسٹرکٹ سپتال ڈیرہ منتقل کردیا گیا۔
